हर्षवर्धन सपकाळ महाराष्ट्र प्रदेश काँग्रेसच्या अध्यक्षपदी

 

बुलढाणा= जोपर्यंत अधिकृत लेटर येत नाही तोपर्यंत हर्षवर्धन सपकाळ काँग्रेसचे महाराष्ट्र प्रदेश अध्यक्ष झाले याबाबत अनेकांचा विश्वास बसत नव्हता. आज अखिल भारतीय काँग्रेस महासचिव के. सी. वेणूगोपाल यांच्या स्वाक्षरीनिशी हर्षवर्धन सपकाळ यांच्या नियुक्ती संबंधीचे पत्र जाहीर झाले आणि दादा समर्थकांनी एकच जल्लोष केला आहे.

बुलढाणा विधानसभा मतदारसंघाचे माजी आमदार हर्षवर्धन सपकाळ यांची काँग्रेसच्या प्रदेशाध्यक्षपदी निवड झाली आहे. हर्षवर्धन सपकाळ हे राहुल गांधी यांचे निकटवर्तीय म्हणून समजले जातात. त्यांनी  पंजाब, हिमाचल प्रदेश, मध्य प्रदेश व इतर राज्यांचे प्रभारी म्हणून काम पाहिले आहे. ते सध्या राजीव गांधी पंचायतराज संघटनेचे राष्ट्रीय अध्यक्ष व अखिल भारतीय काँग्रेस कमिटीचे राष्ट्रीय सचिव म्हणून कार्यरत आहे. 

हर्षवर्धन सपकाळ यांची राजकीय कारकीर्द देऊळघाट जिल्हा परिषद चे दोन टर्म जिल्हा परिषद सदस्य, जिल्हा परिषद चे अध्यक्ष, 2014 ला बुलढाणा विधानसभा मतदारसंघाचे आमदार, 2019 ला त्याचा बुलढाणा विधानसभा मतदारसंघात पराभव झाला होता. महाविकास आघाडीमुळे इच्छा असताना पण ते लोकसभा व विधानसभा निवडणूक लढू शकले नाही. पक्षाचा आदेश मानून त्यांनी माघार घेतली होती. त्यांना पक्षशिस्त कामाला आल्याची चर्चा रंगत आहे.