अमरावतीचे सुपुत्र डॉ. मनीष गवई नॅशनल युथ पार्लमेंट अवॉर्डने सन्मानित

अमरावती -(प्रतिनिधी )-अमरावतीचे सुपुत्र तथा भारत सरकार क्रीडा व युवक कल्याण विभागाचे राष्ट्रीय युवा पुरस्कारार्थी तथा अंतर्राष्ट्रीय सार्क संघटनेचे युवा दूत संत गाडगे बाबा अमरावती विद्यापीठाचे माजी राज्यपाल नामित सिनेट सदस्य  डॉ. मनीष शंकरराव गवई यांना यावर्षीचा इंटरनॅशनल ह्युमन राईट्स ऑर्गनायजेशन, इन्डियन पार्लमेंट फोरम ऑफ इंडिया आणि अमेरिकन युनिव्हर्सिटीच्या संयुक्त विद्यमाने दिला जाणारा युवक कल्याण क्षेत्रातील भरीव कामगिरीसाठीचा नॅशनल युथ पार्लमेंट अवॉर्ड देऊन नुकतेच नवी दिल्लीच्या कॉन्स्टिट्यूशन क्लब येथील आयोजित समारंभात सन्मान करण्यात आला. विशेष म्हणजे या समारंभात त्यांच्या हस्ते दीपप्रज्वलन करून कार्यक्रमाचे उदघाटन देखील करण्यात आले कार्यक्रमाच्या अध्यक्षस्थानी नोएडा फिल्म सिटी आणि मारवाह स्टुडिओचे संस्थापक संदीप मारवाह  तर प्रमुख अतिथी म्हणून इंटरनॅशनल ह्युमन राईट्स ऑर्गनायजेशनचे संस्थापक अविनाश साकुंडे,तिहाड जेलचे पोलीस अधीक्षक डी एस मौर्या,भारत सरकारच्या रेल्वे बोर्डचे सदस्य जोशुआ जेना,प्रेस क्लब ऑर्फ इंडियाचे कार्यालयीन सचिव जितेंद्र सिंह उपस्थित होते. युवकांना सशक्त करण्याच्या उद्देशाने दिल्या जाणारा नॅशनल युथ पार्लमेंट अवॉर्डसाठी यावर्षी अमरावतीचे सुपुत्र  डॉ. मनीष गवई यांची एकमताने निवड करण्यात आली असून त्याना हा सन्मान नवी दिल्लीच्या कॉन्स्टिट्यूशन क्लब येथील आयोजित समारंभात प्रदान करण्यात आला. पुरस्कार स्वरूप सन्मानपत्र, स्मुर्तिचिन्ह,पदक, शाल देऊन त्यांचा गौरव करण्यात आला. विशेष म्हणजे या समारंभात त्यांच्या हस्ते दीपप्रज्वलन देखील करण्यात आले अमरावतीचे सुपुत्र   डॉ. मनीष  गवई यांनी युवक कल्याण क्षेत्रातील विधायक कामगिरी केली आहे. युवा विकास क्षेत्रात डॉ.गवई यानी समाजासमोर तरुण पिढीला नवचेतना प्रदान करण्याचे काम केले आहे. युवकांना सशक्त करण्यासाठी देशभर व देशाच्या बाहेरही जनजागृती करण्याच्या उद्देशाने डॉ. गवई यानी युवकांना सशक्त करण्याचे काम केले आहे. युवकांमध्ये राष्ट्रप्रेम,सर्वधर्म समभाव,विश्व शांति करीता युवा विचारप्रणाली करीता अंतर्राष्ट्रीय पातळवर देखील या विषयाला घेऊन त्यानी चीन, नेपाळ,थायलंड, भूटान, रशिया  सह सार्क देशात युवा शक्तिकरणाबाबत प्रभावी कार्य केले असून त्यांनी राष्ट्रबांधणीत - राष्ट्रविकासात युवकाचा सहभाग, युवा सह-विचार आदान प्रदान, विश्व  मैत्री करीता युवा विचारांची गरज यावर प्रकाश टाकला आहे. तसेच देशाच्या विकासात युवकांची भूमिका यावर सार्क देशात भक्कम बाजू मांडली आहे. युवकांना जागृत करण्यासाठी त्यांनी अनेक सामाजिक उपक्रमांचे व प्रबोधनपर कार्यक्रमांचे आयोजन देखील केले आहे. स्वतः ते सार्क संघटनेचे युवा दूत म्हणून कार्य करीत आहे सार्क देशातील युवकांशी त्यानी संवाद  साधला असून मैत्रीचा संदेश दिला आहे.डॉ गवई यांच्या माध्यमातुन अमरावतीच्या मातीलाराष्ट्रीय पातळीवर देशाच्या युवकांचे नेतृत्व करण्याची संधी प्राप्त झाली आहे. अशा प्रकारच्या पुरस्काररसाठी अमरावतीच्या युवकाची निवड होणे ही अमरावतीसाठी गौरवाची बाब आहे. विशेष बाब म्हणजे त्याना युवक कल्याण क्षेत्रातील व सामाजिक  क्षेत्रातील भरीव योगदानासाठी सहा अंतर्राष्ट्रीय, एकविस राष्ट्रीय पुरस्कार प्राप्त झाले आहेत ज्यात त्याना आंतरराष्ट्रीय यूथ लीडरशिप अवार्डने देखील सन्मानित करण्यात आले आहे. त्यांच्या भरीव कामगिरीसाठी त्यांना विविध राष्ट्रीय व आंतरराष्ट्रीय संघटनेचे सदस्यत्व प्राप्त झाले आहे.आपल्या सत्काराला उत्तर डॉ. मनीष गवई म्हणाले कि युवक कल्याणासाठी माझे आयुष्य समर्पित असून युवकच देशातील विकासाचे चित्र बदलू शकतो. देश निर्मितीमधे युवकांचा सहभाग फार महत्वपूर्ण असतो त्यामुळे युवकाना विधायक दिशा प्रदान करणे महत्वाचे आहे  आणि भविष्यातील सक्षम देश निर्मिती देखील युवकांच्या माध्यमातून होते. युवा शक्ती हि देशाची सकारात्मक ऊर्जा असून या उर्जेला नवं आयाम प्रदान करणे काळाची गरज आहे अमरावतीच्या कर्मभूमीने मला अंतर्राष्ट्रीय स्तरापर्यंत पाठविले असे प्रतिपदानही  त्यांनी केले. डॉ. मनीष गवई यांनी आपला हा सन्मान आपल्या आई- वडिलांना समर्पित केला असून अमरावतीकरांचे विशेष आभार देखील मानले  आहे. त्यांच्या या सन्मानासाठी महाराष्ट्राचे मुख्यमंत्री श्री देवेंद्र फडणवीस केंद्रीय सामाजिक न्याय राज्यमंत्री भारत सरकार श्री रामदास आठवले, केन्द्रीय राज्यमंत्री (स्वतत्र प्रभार ) ना भास्कर जाधव ,केन्द्रीय राज्यमंत्री ना मुरलीधर मोहोळ, केन्द्रीय राज्यमंत्री रक्षाताई खडसे,  अमरावतीचे पालकमंत्री चंद्रशेखर बावनकुळे,आमदार रवी राणा, माजी खासदार श्रीमती नवनीत राणा, माजी लेडी गव्हर्नर डॉ कमलताई गवई,अमरावतीचे खासदार बळवंत वानखडे, आमदार सुलभाताई खोडके,  यांनी त्यांचे अभिनंदन केले.